Teken vir my 'n kaart van jou siel se onbekende hooglande
Stuur vir my die hoogte bo seespieël van jou hart se punt
Meet vir my die lugdruk aan die einde van jou wimpers
En die minimum/maksimum van jou temperamnet

Noteer vir my die besoeke aan jou handpalm-plato's
En die lafenis wat skuil in jou ligpienk lip-oase
Ontwerp vir my 'n "Welkom"-board wat ontluik in elke omhelsing
Want dit is die vasteland waarheen ek wil verhuis