Ek het jou gesoek in die goudbruin
Van Clarens-poupliere;
Ek het jou gesoek in die humiditeit
Van die Natalse lug;
Ek het jou gesoek in die uithangplekke
Waar studente hulle begrotings melk
Vir 'n beter gemoedstoestand

In my drome het ek jou silhoëtte gesoek
In die rein sneeu van Vancouver;
Ek het jou hande gesoek
Op die arbeitslande van Israelse Kibbotsim
En ek het jou vingerafdrukke op menige
Deense meisie afgestofI
n Amsterdam het jy aan 'n daggapyp
Gesuig, en daarna is jy
Vort na een of ander meisie se kamer
Wie weet waar...

En al kon ek jou fisies nêrens opspoor nie,
Was jou skim altyd my metgesel:
'n Alomteenwoordige ontwyking